Wednesday, December 12, 2012

მაკდონალდსი უდიდესი ბიზნეს ქსელი

ყოველ დღე მაკდონალდსში პლანეტის მოსახლეობის 1 პროცენტი იკვებება. ყოველ წამს იგი 75 ჰამბურგერს ჰყიდის.
50 წლის განმავლობაში მაკდონალდსის, როგორც ბრენდის ცნობადობამ, ყველა რეკორდი მოხსნა. .
იგი იმდენად მყარად დამკვიდრდა ყოველდღიურ ცხოვრებაში, რომ ეკონომისტებმა "ბიგმაკის ინდექსიც" (ორმაგი ჰამბურგერი) კი გამოიყვანეს. ამერიკული სწრაფი კვების რესტორანი, თითქმის ყველა ქვეყანაშია გახსნილი და მისი ქსელი მუდმივად იზრდება. 1970 წელს ამერიკელები მაქდონალდსში 6 მილიარდ დოლარს ხარჯავდნენ, 30 წლის შემდეგ ამ მაჩვენებელმა 110 მილიარდ დოლარს გადააჭარბა - მაკდონალდსში ადამიანები უფრო მეტს ხარჯავენ, ვიდრე უმაღლეს განათლებაზე, მუსიკაზე, წიგნებზე და კომპიუტერებზე. მაკდონალდსი დიდი ხანია გასცდა კვების ობიექტის უბრალო განსაზღვრებას. იგი გარკვეული ცხოვრების წესის მანიშნებელია, რომელიც ადამიანს მასზე დამოკიდებულს ხდის და საკუთარ კანონებს კარნახობს.

მერკური 2012 ბიზნეს დაჯილდოვება

წლის საუკეთესო კომპანიები უკვე გამოვლენილია

ქართული ბიზნესის წარმატების, ინოვაციებისა და მიღწევების წარლოსაჩენად  მეორედ გაიმართა ეროვნული ბიზნესდაჯილდოება ”მერკური 2012”. ღონისძიების ორგანიზატორები იყვნენ საქართველოს ეკონომიკისა და მდგრადი განვითარების სამინისტრო, საქართველოს ეროვნული საინვესტიციო სააგენტო, საქართველოს სავაჭრო-სამრეწველო პალატა და ”კავკასუს ონლაინი”.

2012 წლის 11 მაისს ”მერკური 2012”-ის  საზეიმო დაჯილდოების ცერემონია გაიმართა ექსპო-ჯორჯიას ახალ მე-3 პავილიონში. ორგანიზატორების დაპირებისამებრ ღონისძიება იყო მეტად გამორჩეული სპეციალურად შერჩეული ეგზოტიკური კერძებითა და ცოცხალი მუსიკალური შესრულებით.  გალა საღამო დასამახსოვრებელი აღმოჩნდა მასზე მიწვეული 250 სტუმრისათვის. დამსწრე საზოგადოებას შორის იყვნენ საჯარო და კერძო სექტორის, ბომონდისა და მასმედიის წარმომადგენლები.
ღონისძიებას დაესწრო საქართველოს პრეზიდენტი, ბატონი მიხეილ სააკაშვილი, რომელმაც თავად გადასცა ჯილდო გამარჯვებულს ნომინაციაში ”წლის ბიზნესი”.  აღნიშნულ ნომინაციაში საუკეთესოს ტიტული წილად ხვდა კომპანიას შპს ”ფერი”, რომელიც სპეციალიზდება ჰიდროელექტრო სადგურების მშენებლობაში და ამ ეტაპზე აშენებს 5 სადგულრს საქართველოს მაშტაბით.

წელს კომპანიების შეფასება მოხდა საერთაშორისო სტარნდარტების შესაბამისად და სწორედ ამ მიზნით საერთაშორისო ბიზნეს გამომცემლობა-”Forbes” ჩაერთო შეფასების პროცესში. 

საინვესტიციო სააგენტოს დირექტორი, ქეთევან ბოჭორიშვილი:

”შეფასების სისტემის დახვეწის გარდა წელს სხვა სიახლეც შევთავაზეთ ბიზნეს საზოგადოებას. კომპანიების მეტად წარმოჩენის მიზნით ორგანიზატორების ინიციატივით დაჯილდოებას დაემატა ოთხი ნომინაცია: ”წლის ქართველი ინვესტორი”, ”წლის უცხოელი ინვესტორი”, ” წლის ტურისტული კომპანია” და ” წლის ინოვატორი კომპანია”. წინა წლის მსგავსად ხალხს მიეცა შესაძლებლობა ხმის მიცემის საშუალებით გამოევლინა გამარჯვებულები ნომინაციებში ” წლის მეწარმე” და ” წლის სასურველი დამსაქმებელი”. აღნიშნულ ნომინაციებში გამარჯვებულებს ჯილდო გადასცა ქალბატონმა ვერა ქობალიამ, ეკონომიკისა და მდგრადი განვითარების მინისტრმა.

მინისტრმა ისაუბრა ეროვნული ბიზნეს დაჯილდოების მიზანზე. მისი განცხადებით მთავარი ამოცანა იყო ახალი წარმატებული ბიზნესების გამოვლენა და მათი წახალისება. ორგანიზატორები ყველას აქტიურად მოუწოდებდნენ მიეღოთ მონაწილეობა, გამხდარიყვნენ გამორჩეულები და კიდევ ერთხელ ეჩვენებინათ საზოგადოებისათვის ქართული ბიზნესის მიღწევები.

ქრთველი ბიზნესმენები

ნასწავლი ბიზნესმენები

მსოფლიოს ’’უსწავლელი’’ მილიონერები იმფორმაცია

ბევრ წარმატებულ ბიზნესმენს, რომლებმაც მილიარდების დაგროვება შეძლეს, არათუ უმაღლესი, სრულყოფილი საშუალო განათლებაც კი არ აქვს მიღებული. ცნობილმა ბიზნესმენმა რიჩარდ ბრენსონმა სკოლაში სწავლას თავი 16 წლის ასაკში დაანება, რათა კომერციისთვის მიეყო ხელი. ახალგაზრდა ბიზნესმენმა ხმის ჩანაწერების გაყიდვით დაიწყო, რომლებსაც ფოსტის საშუალებით ავრცელებდა. დღეს კი ბრენსონი კორპორაცია Virgin–ის მფლობელია, რომელიც 200 კომპანიას აერთიანებს და 30 ქვეყანაში სხვადასხვა სახის საქმიანობას ეწევა. მისი ქონება 6,8 მილიარდ დოლარადაა შეფასებული.
 ამერიკელმა მილიარდერმა კარლ ლინდნერ–უმცროსმა სკოლა 14 წლის ასაკში მიატოვა და, დიდი დეპრესიის პერიოდში, საოჯახო მეურნეობის რძის გაყიდვა დაიწყო. მოგვიანებით მან ფერმა კომპანია United Dairy Farmers–ად გადააქცია – ესაა საფირმო მაღაზიების ქსელი, რომლებიც ნაყინით, ახალი რძითა და სხვა პროდუქტებით ვაჭრობს. ბიზნესმენის ქონება 1,7 მილიარდ დოლარადაა შეფასებული.
 რთული წარმოსადგენია, რომ ფრანსუა პინოს – მსოფლიოში ერთ–ერთ უმდიდრეს ადამიანს – სწავლა ისე უჭირდა, რომ სკოლიდან წამოვიდა, რათა მამას ხის ჭრაში დახმარებოდა. ახლა კი პინოს კონცერნ PPR–ს ისეთი ცნობილი ბრენდები ეკუთვნის, როგორიცაა Yves Saint Laurent და Gucci. ბიზნესმენის ქონება კი 8,7 მილიარდ დოლარადაა შეფასებული.
 სომხური წარმოშობის ამერიკელმა მილიარდერმა კირკ კერკორიანმა განათლებას თავი მერვე კლასიდან დაანება, რათა მოკრივე გამხდარიყო. ახლა კი ლას–ვეგასის ერთ–ერთი მთავარი ბიზნეს–ფიგურის ქონების ღირებულება 3,1 მილიარდ დოლარს აღწევს.
 კომპანია Inditex–ის მფლობელი ანანსიო ორტეგა თავის დროზე სკოლიდან 14 წლის ასაკში წავიდა, რათა პერანგების მაღაზიაში დამტარებლად დაეწყო მუშაობა. ახლა კი ორტეგა ესპანეთის ყველაზე მდიდარი ადამიანია 31 მილიარდიანი ქონებით. მისი კომპანია მსოფლიოში ცნობილ ბრენდებს Zara–სა და Massimo Dutti–ს ფლობს.